ازه لینده ن
کوکسومده
ده رین بیر ایسته ک
آلولو مشعل کیمی
یاشادئر منی
کونلومه سارئلمئش
ندیر بو آتش
کده رمی؟
سئوینج می؟
دویا بیلمیره م
گولوره م، گولومسه میرده
آغلایئرام، آغلامسامئردا
سئویره م ،،سئویله بیلمیر
سئومیره م،دارئخئربو خیال
منی منلیگیمده ن
آلئب بو سئوال
ندیر بو وارلئق؟
یانار بو دویغو؟
توکنمر،سونسوز
عمرومون بویو
دیله ییر منی، هی دولاندئرا
یاندئرا ابدی
بیر اوجاق کیمی،آلولاندئرا
بلکه ده یانارکن
ایشیقلار ساچام
قاپالی یوللارئن
قاپئسئن آچام
دوشونجه کیمی ، بیله جک کیمی ، قاناجاق کیمی.
قایناق شاعیرین اؤز وبلاگی: http://chichak.blogfa.com/
